Drama, Horror, Mysteries යටතේ වර්ගීකරණය කරල තියෙන මෙහි ප්රධාන චරිතවලට පණ පොවන්නේ Rajneesh Duggal සහ Adah Sharma යන නවක නළු නිළි යුවළයි. මෙය ඔවුන් දෙදෙනාගේම පළමු චිත්රපටය වීම ද විශේෂ කරුණක්. කොහොමවුණත් චිත්රපටය නරඹද්දි මේ නවකයින් දෙදෙනාගේ තියෙන ප්රවීණත්වය කොතෙක් ද යන්නත් ඔයගොල්ලන්ට වටහාගන්න පුළුවන් වෙයි. එහෙනම් වැඩි කථාවක් නැතිවම කථාව මොකක්ද කියල දැනගමු.
මේ නිර්මාණයට පසුබිම් වන්නේ ඉන්දියානු නිදහස් සටන ක්රියාත්මක වෙමින් තිබුණු කාලවකවානුවයි. රාර් බහදූර් ප්රතාප් සිංග් කියන්නෙත් මවුබිමේ නිදහස් සටන වෙනුවෙන් තම දිවි දෙවැනි කොට කටයුතු කළ පුද්ගලයෙක්. මොහු ජීවත් වුණේ පාලම්පූර් හි තිබූ දැවැන්ත මන්දිරයකයි. ඒ කියන්නේ මෙයා ධන කුවේරයෙක්. කොහොමවුණත් මෙයාගේ මරණින් වසර ගණනාවකට පසුව මේ මන්දිරය අත්තර් සිංග් ජස්වාල් නැමති පුද්ගලයාට අයිති වෙනවා. ඔහු කරන්නේ මේ මන්දිරය කඩල එතන හෝටලයක් හදන්න කියල ඉංජිනේරු සමාගමකට බාරදෙන එකයි. මෙම සමාගම අවස්ථා දෙකක දී තමන්ගේ ඉංජිනේරුවන් දෙදෙනෙකු මේ කටයුත්ත සඳහා මන්දිරයට එවූව ද ඔවුන්ට තමන්ගේ අපේක්ෂාවන් ඉටු කරගන්න ලැබෙන්නේ නැහැ. ඔවුන් දෙදෙනාම අබිරහස් අන්දමින් මිය යාම මීට හේතුවයි. ඉන් පසුව අර්ජුන් සිංග් රාතෝඩ් ( Rajneesh Duggal) තම බිරිඳ ලීසා සිංග් රාතෝඩ් (Adah Sharma) සමඟ මෙහි පැමිණෙන්නේ ද කලින් දෙදෙනාට කර ගත නොහැකි වූ කටයුත්තට අතගැසීමේ අරමුණෙන්. ඒත් මෙහිදී ඔවුන් දෙදෙනාට මුහුණ දීමට සිදුවන්නේ අන්පේක්ෂිත වූ සිදුවීම් පෙළකටයි. මේ සියල්ලටම හේතුව වන්නේ කාලයේ වැලි තලාවෙන් වැහිල ගිය එක් තනි සිදුවීමක්. කොහොමවුණත් වර්තමානයේ මේ මන්දිරයට සම්බන්ධ කිසිවෙකුත් ඒ ගැන දන්නේ නැහැ. මෙහිදී ඔවුන් මුහුණ දෙන බොහෝ අවාසනාවන්ත සිදුවීම්වලට හේතුව වෙන්නෙත් ඒකමයි. කොහොමවුණත් මේ සියල්ල ගැන දැනගන්න නම් ඔයගොල්ලො මේක බාගෙන බලන්නම ඕන. චිත්රපටය පුරාවට ගලා යන ත්රාසය, භීතිය, කුතුහලය වගේම ඒ සියල්ල මතින් දිගහැරෙන උණුසුම් ආදර අන්දරයකුත් මෙහි තියෙනවා. මතක තියාගන්න ඒ කියන්නේ මේක Horror, Mysteries විතරක්ම නෙවෙයි….
or
පරිවර්තනය හා උපසිරැසි ගැන්වුයේ CHANYAKA විසිනි
සැ.යු:මෙහි සම්පූර්ණ අයිතිය www.thesinhalasub.blogspot.com සතු අතර,අනවසරයෙන් උපුටා ගැනීම තහනම්.තවද,කතෘ ගේ අයිතියකින් තොරව කිසිදු වෙබ් අඩවියක මේ උපසිරැසි පල නොකරන්න
No comments:
Post a Comment